საერთაშორისო გამჭვირვალობა: ბოლო 12 წელში საქართველოს ჩინეთთან ეკონომიკური ურთიერთობები მნიშვნელოვნად გაიზარდა

საერთშორისო გამჭვირვალობა - საქართველო ახალ ანგარიშს აქვეყნებს, რომელშიც საუბარია საქართველოსა და ჩინეთს შორის ეკონომიკური რთიერთოებების ზრდაზე.

 

ბოლო 12 წელში საქართველოს ჩინეთთან ეკონომიკური ურთიერთობები მნიშვნელოვნად გაიზარდა.

2003-2012 წლებში ჩინეთიდან 132 მლნ დოლარის პირდაპირი უცხოური ინვესტიცია შემოვიდა, 2013-2024 წლებში კი 5-ჯერ მეტი - 655 მლნ დოლარი.

1995-2012 წლებში საქართველოში 451 კომპანია დაარეგისტრირეს ჩინეთის მოქალაქეებმა, 2013-2024 წლებში კი 4-ჯერ მეტი - 1 893 კომპანია.

2012 წელს საქართველოს სავაჭრო ბრუნვა ჩინეთთან 640 მლნ დოლარი იყო (26 მლნ ექსპორტი, 614 მლნ იმპორტი), 2024 წელს კი 3-ჯერ მეტი - 1 916 მლნ დოლარი (303 მლნ ექსპორტი, 1 613 მლნ იმპორტი).

2012 წელს ჩინეთიდან 7 633 ვიზიტორი შემოვიდა, 2024 წელს კი 12-ჯერ მეტი - 88 583 ვიზიტორი.

ჩინურმა კომპანიებმა ასობით მლნ დოლარის ინფრასტრუქტურული პროექტები განახორციელეს მთავრობის დაკვეთით.

საქართველოს ეკონომიკის სამინისტრომ ანაკლიის ღრმაწყლოვანი პორტის ინვესტორად კორუფციული სკანდალებით ცნობილი და აშშ-ს მთავრობის შეზღუდვების ქვეშ მყოფი ჩინურ-სინგაპურული ჰოლდინგი შეარჩია.

2023 წლის ივლისში საქართველო და ჩინეთი სტრატეგიული პარტნიორები გახდნენ, რაც პოლიტიკურ, ეკონომიკურ და კულტურულ საკითხებში თანამშრომლობას მოიცავს - წერია გამოქვეყნებულ ანგარიშში

ვრცლად: საერთაშორისო გამჭვირვალობა - საქართველოს მიერ გამოქვეყნებული ანგარიში

კვირის პოპულარული
გამომყევი Facebook-ზე
სოციალური ქსელი
© 2025 VOICE OF GEORGIA