ჯო უოლსონი ეუთოს გენერალურ მდივანს საქრთველოში ვიზიტის გადადებისკენ მოუწოდებს
ამერიკის სახელმწიფო დეპარტამენტის ჟურნალისტი ალექს რაუფოღლუ ავრცელებს აშშ-ის ჰელსინკის კომისიის თანათავმჯდომარის, კონგრესმენ ჯო ვილსონის ოფიციალურ წერილს, რომლითაც იგი ეუთოს გენერალურ მდივანს, ფერიდუნ სინირლიოღლუს მოუწოდებს – გადადოს თბილისში დაგეგმილი ვიზიტი.
„ივანიშვილის არალეგიტიმური რეჟიმის ნებისმიერი სტუმრობა შეიძლება მათი ტირანული ძალაუფლების აღიარებად იქცეს. ჩვენ ქართველ ხალხს უნდა დავუდგეთ გვერდში!“ – წერს ვილსონი წერილში.
დოკუმენტში მკაფიოდ იკითხება დასავლეთის ძლიერი შეშფოთება:
— OSCE-ის შეფასებამ 2024 წლის არჩევნების პროცესი სერიოზულად დააზიანა: სამოქალაქო თავისუფლებებზე ზეწოლამ და ამომრჩევლის დაშინებამ;
— „ქართული ოცნების“ ხელისუფლება ახორციელებს კამპანიას ოპოზიციონერთა და მშვიდობიანი აქტივისტების წინააღმდეგ;
— პარლამენტმა მიიღო კანონი, რომელიც აძლიერებს კონტროლს უცხოურ დაფინანსებაზე და ზღუდავს სამოქალაქო სექტორისა და მედიასაშუალებების მუშაობას;
— ხელისუფლება ცდილობს, საერთაშორისო ვიზიტები საკუთარი ძალაუფლების ლეგიტიმაციის ინსტრუმენტად გამოიყენოს.
კონგრესმენი ვილსონი აფრთხილებს:
„თუ თქვენ განახორციელებთ ვიზიტს, ეს განიხილება როგორც მხარდაჭერა რეჟიმის მიმართ – მაშინ, როცა ქვეყანაში დემოკრატიული ინსტიტუტები სერიოზული საფრთხის ქვეშაა.“ - წერს უილსონი.
წყარო: ალექს რაუფოღლუ
